Bakıda təşkil olunan minifutbol üzrə dünya çempionatında beşinci günə yekun vurulub.
Sportinfo.az xəbər verir ki, A qrupunda yer alan Azərbaycan millisi Mavritaniyanı 2:0 hesabı ilə məğlub edib.
Qrupun digər görüşündə Bəhreyn Sloveniyanı 4:1 hesabı ilə üstələyib. Beləliklə, bu qrupda Azərbaycan və Mavritaniya komandaları 1/8 finala vəsiqəni təmin edib.
Yığmamız növbəti etapda Rumıniya ilə qarşılaşacaq.
Rumıniya 3-cü turda Fransa ilə qolsuz heç-heçə edib.
Son dünya çempionu 4 xalla qrup mərhələsini ikinci yerdə tamamlayıb. Azərbacan millisi isə 7 xalla qrupu lider kimi başa vurub.
Mayın 27-də keçiriləcək Azərbaycan - Rumıniya görüşü 20:30-da start götürəcək.
