“İnter Mayami”nin hücumçusu Lionel Messi 2026-cı il dünya çempionatında Argentina millisində oynayıb-oynamayacağını açıqlayıb.
Sportinfo.az xarici KİV-ə istinadən xəbər verir ki, argentinalı forvard onda böyük arzu və ilhamın olduğunu bildirib:
“Dünya kuboku 2026? İl təzəcə başlayıb, məndə böyük bir arzu və ilham var.
Ümid edirəm ki, özümü yaxşı hiss edəcəm və rəsmi oyunlarda ən yüksək formada olmaq üçün mövsümün əvvəlini əla keçirəcəm”.
37 yaşlı hücumçu ötən mövsüm Amerika klubunun heyətində 22 matçda iştirak edib, 21 qol vurub və 18 məhsuldar ötürmə verib. Onun klubu ilə hazırkı müqaviləsi bu ilin sonunda başa çatacaq.
