.jpg)
Argentina, Uruqvay, Çili və Paraqvay 2030-cu il dünya çempionatına birgə ev sahibliyi üçün FIFA-ya müraciət edib.
Sportinfo.az xəbər verir ki, bu barədə Argentina Futbol Federasiyasının prezidenti Klaudio Tapia qurumun rəsmi saytına açıqlama verib.
O bildirib ki, bu, dörd ölkənin tarixi üçün çox önəmli hadisədir:
"Biz yüzillik yubileyində mundiala yenidən ev sahibliyi etməyi arzulayırıq. Hamımız çox həvəsliyik. Biz futbol üçün yaşayırıq.
Bilirik ki, bu, çox böyük öhdəlikdir. Argentina, Uruqvay, Paraqvay və Çilinin 2030-cu ildəki dünya çempionatını keçirmək üçün uyğun olduğunu bütün dünyaya sübut etməliyik".
Tarixdə ilk dünya çempionatı 1930-cu ildə Uruqvayda təşkil olunub.
