Britaniyalı jurnalist Pirs Morqan sosial şəbəkə hesabında Portuqaliya yığmasının DÇ-2022-nin 1/8 final mərhələsində İsveçrə üzərində qazandığı qələbəni (6:1) şərh edib.
Sportinfo.az xəbər verir ki, o, Kriştiano Ronaldo ilə bağlı da fikirlərini bildirib:
“Portuqaliya möhtəşəm oynadı! Ronaldo mənə dünya çempionatını qazana biləcəklərini düşündüyünü deyib. Onlar bunu bacara bilərlər”.
Kriştianonun əvəzinə oyuna start heyətində başlayan 21 yaşlı Qonsalo Ramos mundialda ilk het-trik müəllifi kimi tarixə düşüb.
Portuqaliya millisi DÇ-2022-nin 1/4 final mərhələsində Mərakeşlə qarşılaşacaq.
