Fransa millisinin ulduzu Kilian Mbappe Qətərdəki dünya çempionatının 1/4 final mərhələsi çərçivəsində İngiltərəyə qarşı keçirəcəkləri oyunu buraxa bilər.
Sportinfo.az xəbər verir ki, topuğundakı ağrılardan əziyyət çəkən 24 yaşlı hücumçu komandasının məşqdə iştirak etməyib.
PSJ-nin formasını geyinən forvard idman zalında bərpa prosesi keçir. Onun vacib qarşılaşmada meydana çıxıb çıxmayacağı sual altındadır.
Dekabrın 10-da keçiriləcək İngiltərə – Fransa matçına Bakı vaxtı ilə saat 23:00-da start veriləcək. Mbappe bu mundialda vurduğu 5 qolla hələlik ən məhsuldar futbolçudur.
