![Qətərdə "qol yağışı" - VİDEO](https://www.sportinfo.az/media/2022/12/07/fe8cc95e-e4b6-3eb3-8fb9-b4d77077cabf_850.jpg)
Qətərdə keçirilən dünya çempionatında 1/8 final mərhələsinə yekun vurulub.
Sportinfo.az xəbər verir ki, bu raundun son oyununda Portuqaliya və İsveçrə üz-üzə gəlib.
Rəqibini 6:1 hesabı ilə darmadağın edən Pireney təmsilçisi 1/4 finala yüksəlib.
Fernandu Santuşun baş məşqçi olduğu kollektivdən qolları 17, 51 və 67-ci dəqiqələrdə Qonsalu Ramuş, 33-cü dəqiqədə Pepe, 55-ci dəqiqədə Rafael Gerreyru və 90+2-ci dəqiqədə Rafael Leao vurublar.
İsveçrəlilərin təsəlli qoluna isə 58-ci dəqiqədə Manuel Akanci imza atıb.
Portuqaliya millisinin 1/4 finaldakı rəqibi Mərakeş olacaq. Qarşılaşma dekabrın 10-da keçiriləcək.