Mərakeş Qətərdə keçirilən dünya çempionatında 1/4 finala vəsiqə qazanıb.
Sportinfo.az xəbər verir ki, Afrika təmsilçisi 1/8 finalda İspaniyanı mübarizədən kənarlaşdıraraq, adını növbəti mərhələyə yazdırıb.
Matçın əsas və əlavə vaxtında hesab açılmayıb. Penaltilər seriyasında daha dəqiq oynayan (3:0) mərakeşlilər tarixində ilk dəfə 1/4 finala adlayıb.
Mərakeş yığması növbəti raundda Portuqaliya - İsveçrə cütünün qalibi ilə qarşılaşacaq.
