.jpg)
Argentina millisinin kapitanı Lionel Messi DÇ-2022-nin 1/8 final mərhələsinin Avstraliya yığması ilə oyunu (2:1) haqda danışıb.
Sportinfo.az xəbər verir ki, o, oyuna nəzarət etdiklərini bildirib:
“Düşünürəm ki, matçın gedişatına tam nəzarət etdik. Təşəbbüsü ələ almağı bacardıq. Bəli, son dəqiqələrdə müəyyən qədər boşluqlarımız oldu”.
Peşəkar karyerasında 1000-ci görüşünə çıxan Messi qələbə qazandıqları üçün sevincli olduğunu da gizlətməyib:
“Matç çox güc tələb etdi. Mən bu qələbəyə sevinirəm. Kuboka doğru bir addım daha atdıq”.
1/4 finalda Argentina millisi Niderland yığması ilə qarşılaşacaq.
