Polşa yığması üzrə 2022-ci il dünya çempionatının pley-off mərhələsində finala vəsiqə qazanıb.
Sportinfo.az xəbər verir ki, bu qərar Rusiya milli komandasının bütün beynəlxalq turnirlərdən kənarlaşdırılması ilə əlaqədar verilib.
Polşa DÇ-2022-yə vəsiqə uğrunda son görüşdə İsveç - Çexiya matçının qalibi ilə üz-üzə gələcək.
Digər tərəfdən, FIFA pley-offun Ukrayna və Şotlandiya milliləri arasındakı yarımfinal oyununu iyuna təxirə salıb. Bu addım Ukrayna tərəfinin xahişindən sonra atılıb. Finala vəsiqə uğrunda digər qarşılaşma Uels və Avstriya arasında olacaq.
DÇ-2022-nin püşkü aprelin 1-də Qətərin paytaxtı Dohada atılacaq.
