"Formula 1" üzrə Azərbaycan Qran-prisində "Haas" komandasında danimarkalı Kevin Maqnusseni əvəzləyəcək pilot müəyyənləşib.
Sportinfo.az xəbər verir ki, bu barədə ABŞ təmsilçisinin mətbuat xidməti məlumat yayıb.
K.Maqnusseni 19 yaşlı britaniyalı pilot Oliver Berman əvəzləyəcək. Beləliklə, Berman "Formula 2" yarışını buraxmalı olacaq.
Kevin Maqnussen İtaliya Qran-prisində iki cərimə xalı aldğı üçün Bakıdakı yarışda iştirak etməyəcək. O, artıq 12 cərimə xalı topladığı üçün avtomatik diskvalifikasiya edilib.
Azərbaycan Qran-prisi sentyabrın 13-15-i aralığında təşkil olunacaq.
