Azərbaycanlı qapıçı Eldar Tağızadənin “Barselona”dakı karyerası uzun çəkməyib.
Sportinfo.az xəbər verir ki, sportal.az-a verilən məlumata görə, 22 yaşlı qolkiper Kataloniya klubundan ayrılıb.
Onun karyerasına hansı komandada davam edəcəyi hələ ki dəqiq deyil.
Tağızadə “Barselona”nın B komandasında məşqlərə başlamışdı, amma sonradan bu klubdan ayrılmaq qərarına gəlib.
Tağızadə hazırda klubsuzdur. “Neftçi”nin yetirməsi olan Eldar “Klermon” U-19, “Luqo” və “Tudelano”da çıxış edib.
