Azərbaycan millisinin sabiq forvardı Nurlan Novruzov Nepal çempionu olub.
Sportinfo.az xəbər verir ki, 29 yaşlı hücumçu bu uğura "Maçhindra"nın heyətində imza atıb.
Onlar sona iki tur qalmış “Satdobato”nu 1:0 hesabı ilə üstələyib. Novruzov qarşılaşmada qələbə qoluna imza ataraq, komandasını çempion edib.
Novruzov 2021-ci ildən "Maçhindra"nın formasını geyinir. O, daha əvvəl Nepalda “Lalitpur Siti”nin şərəfini qoruyub.
"Sadəcə, xoşbəxtəm. Çempion olduq və titul qazandıq" - 29 yaşlı hücumçu ilk dəfə A Divizionunda çıxış etdiyini xatırladıb:
"Çempion olduğum üçün çox məmnunam. Komandada yaxşı və şən vaxt keçirdik. Fikrimcə, bir ailə olmağı bacardıq".
.jpg)
