"Neftçi"nin yarımmüdafiəçisi Nazim Məmmədzadə karyerasını Şimali Makedoniyada davam etdirəcək.
Sportinfo.az xəbər verir ki, Bakı klubunun əvəzedici heyətində çıxış etmiş 21 yaşlı gənc "Renova" ilə anlaşıb.
Qış toplanışı zamanı Şimali Makedoniya klubunda baxışda olmuş futbolçu "Renova"nın məşqçilər korpusunun etimadını qazanıb. O, cari mövsümün sonuna qədər bu klubda çıxış edəcək.
"Renova" hazırda Şimali Makedoniya çempionatında 18 turdan sonra 5-ci pillədə qərarlaşıb.

