Türkiyədə “Survivor All Star” yarışmasında iştirak edən kikboks üzrə 6 qat dünya çempionu Pərviz Abdullayev (Kobra Pərviz) şou zamanı təsirli anlar yaşayıb.
Sportinfo.az xəbər verir ki, oğlu Yusiflə onlayn danışan Pərviz göz yaşlarına hakim ola bilməyib.
Abdullayev oğluna onun üçün darıxdığını deyib:
“Buradayam, amma ürəyim sənin yanındadır. Sənin üçün, Oğuzxan (digər oğlu -red.) üçün, mama üçün - hamınız üçün darıxıram. İnşallah, gələcəm”.
Oğlu da atası üçün darıxdığını deyib və ona yarışmada qalib gəlməyi arzulayıb.

