Bu gün Avropa Liqasının qrup mərhələsinin 5-ci turu çərçivəsində "Qarabağ"ı qəbul edəcək "Sevilya"nın yarımmüdafiəçisi Lukas Okampos cəzalanıb.
Sportinfo.az xəbər verir ki, İspaniya Kral Futbol Federasiyası 25 yaşlı argentinalını 3 oyunluq "istirahət"ə göndərib.
Buna səbəb Primeronun 14-cü turunun "Valyadolid"lə səfər qarşılaşmasında qırmızı vərəqə alan zaman baş hakimi təhqir etməsi olub. Okampos komandasının qarşıdakı turlarda "Leqanes", "Osasuna" və "Vilyareal"la oyunlarını kənardan izləyəcək.
