UEFA Avropa Liqasında "Qarabağ"ın rəqiblərindən olan "Düdelanj"ın baş məşqçisi Bertran Krasson qarşıdakı oyunlar haqqında danışıb.
Sportinfo.az xəbər verir ki. Lüksemburq klubunun çalışdırıcısı APOEL-lə matçda Kiprdəki nəticəni təkrarlamağa çalışacaqlarını deyib:
"Kipr futbolu inkişafdadı. İlk oyundakı qələbə bizə cəsarət versə də, sonra reallığa döndük. Buna baxmayaraq, yenə komandama güvənirəm. Rəqibin üzərində təzyiqlər var. Bizi APOEL və "Qarabağ"a qarşı iki final oyunu gözləyir. Bu, bizim üçün böyük şansdı. Kiprdəki nəticə təkrarlansa, əla olar".
"Düdelanj" Nikosiyada APOEL üzərində qələbə qazanmışdı - 4:3. Lüksemburq təmsilçisi qrupda son matçını Bakıda "Qarabağ"a qarşı keçirəcək.