“Bizim üçün çox yaxşı qələbədir. Bu qalibiyyətdən sonra irəli baxa bilirik. Hər şey özümüzdən asılıdır”.
Sportinfo.az xəbər verir ki, bunu APOEL-in futbolçusu Musa əl-Tamari UEFA Avropa Liqasının qrup mərhələsinin IV turunda evdə “Qarabağ”ı 2:1 hesabı ilə məğlub etdikləri oyundan sonra deyib.
22 yaşlı iordaniyalı forvard qrupdan çıxmaq baxımından önəmli nəticəyə imza atdıqlarını vurğulayıb:
“Çox çətin matç olsa da, bacardıq. Bu qələbə qrupdakı vəziyyətimizi yaxşılaşdırdı. Növbəti mərhələyə adlamaq üçün məhsuldarlığımızı daha da artırmalıyıq. Bundan ötrü çox çalışmalıyıq”.