.jpg)
Avropa Liqasının 4-cü turunda keçiriləcək APOEL – “Qarabağ” oyununu avstriyalı FIFA referisi Manuel Şüttenqruber idarə edəcək. Sportinfo.az xəbər verir ki, 36 yaşlı referi avrokuboklarda ilk dəfə Azərbaycan klubunun oyununu idarə edəcək.
2014-cü ildə FIFA referisi adını qazanan Şüttenqruber 46 beynəlxalq oyun idarə edib. O, bu mövsüm Avropa Liqasının təsnifat mərhələlərində 3, qrupunda isə 1 oyunda baş hakim olub.
46 beynəlxaq görüşdə 6 dəfə 11 metrlik cərimə zərbəsi təyin edib (4-ü ev sahibi, 2-si qonaqlar). 160 dəfə sarı vərəqə ilə futbolçuları cəzalandırıb (71- ev sahibi, 89-u qonaqlar). Referi 8 dəfə futbolçulara qırmızı vərəqə göstərməli olub (3-ü ev sahibi, 5-i qonaqlar).
Manuel Şütenqruber Avstriyanın sürücülük məktəbində işləyir. O, Lints şəhərində fiziki məhdudiyyəti olan insanların maşın sürməsinə kömək edir. Referi A, B, BE və F sürücülük kateqoriyalarının verilməsi üzrə müəllimliklə məşğuldur.
