APOEL-in kapitanı Nikolas Yoannu Avropa Liqasının qrup mərhələsinin 3-cü turunun "Qarabağ"la qarşılaşması barədə Kipr mətbuatına açıqlama verib.
Sportinfo.az xəbər verir ki, 24 yaşlı müdafiəçi Bakıdan 1 xalla ayrıldıqlarına görə sevindiyini deyib.
"Zədəm elə də ciddi deyil. Özümü yaxşı hiss edirəm. Oyuna gəlincə, kifayət qədər çətin olacağını bilirdik. Əlimizdən gələni etdik. Qələbə də qazana bilərdik. Lakin düşünürəm ki, səfərdən 1 xalla qayıtmaq da yaxşıdır. Bu nəticə bizim üçün dönüş anı ola bilər".
