Bakıda kişi və qadın idman gimnastikası üzrə Beynəlxalq Gimnastika Federasiyasının (FIG) dünya kuboku yarışları davam edir. Sportinfo.az xəbər verir ki, artıq ikinci ildir ki, yarışa 23 ölkədən ümumilikdə 85 kişi, 35 qadın idmançısı qatılıb.
Turnirin üçüncü günündə ayrı-ayrı alətlər üzrə final yarışları keçirilir. Yeni Olimpiya dövrünün 2017-ci ildən qüvvəyə minən yeni qaydaları əsasında kişi gimnastlar 6, qadın gimnastlar isə 4 dəst medal uğrunda mübarizə aparır. FIG dünya kuboku martın 19-dək davam edəcək.
