.jpg)
Tailandın Pattaya şəhərində keçirilən ağır atletika üzrə kişilər arasında 85-ci, qadınlar arasında 28-ci dünya çempionatı başa çatıb.
Sportinfo.az xəbər verir ki, mundialda ölkəmizi təmsil edən hər 3 idmançımız uğursuz çıxış edib.
105 ölkədən 734 atletin (395 kişi və 339 qadın) mübarizə apardığı dünya çempionatı 2020-ci il Tokio Yay Olimpiya Oyunlarına lisenziya xarakteri daşısa da, Azərbaycan millisi üçün fiasko ilə bitib. 55 kq çəki dərəcəsində Səbinə Əzimova 24-cü, 59 kq-da bolqar legionerimiz Boyanka Kostova 35-ci, 96 kq-da körpücük üzərinə çıxan Nailxan Nəbiyev isə 36 iştirakçı arasında 29-cu yeri tutaraq ümidləri doğrultmayıb.
Azərbaycan DÇ-ni qadınların yarışında komanda hesabında 26 xalla 62-ci pillədə başa vurub. Kişilərin mübarizəsində yalnız Nailxan Nəbiyevlə təmsil olunan ölkəmiz mundialı 3 xalla 71-ci yerdə yekunlaşdırıb.
