Əfsanəvi atlet Useyn Boltun Olimpiya medalı əlindən alınıb. Sportinfo.az-ın məlumatına görə, sprinterin Pekin-2008-də 4x100 metrə yarışlarında qazandığı çempionluq ləğv edilib. Beynəlxalq Olimpiya Komitəsinin (BOK) açıqladığı məlumata əsasən, qeyd edilən yarışda Boltun komanda yoldaşı Nesta Karter dopinq istifadə edibmiş.
Bu səbəbdən də Karterlə bərabər bütün komandanın nəticəsi ləğv edilib. Boltla bərabər yamaykalı digər atletlər Asafa Pauell və Maykl Freyterin də medalları əllərindən alınıb. Əfsanəvi sprinter ardıcıl 3 Olimpiadada (Pekin-2008, London-2012 və Rio-2016) 100 metr, 200 metr və 4x100 metr yarışlarında qızıl medal qazanıb.
