"Kəpəz"də hamı onun başına yığışdı və… - FOTOLAR

26 Fevral 13:25 I Divizion 332
"Kəpəz"də hamı onun başına yığışdı və… - FOTOLAR

Gəncə futbolunun canlı əfsanəsi Müzəffər Qasımov doğum gününü qeyd edib.

Sportinfo.az xəbər verir ki, ötən gün qocaman futbolçunun 79 yaşı tamam olub.

Bu münasibətlə "Kəpəz”in əsas komandasının məşqindən öncə meydançada sabiq yarımmüdafiəçi ilə görüş keçirilib, ad günü təbrik olunub.

Klubun icraçı direktoru İlqar Nadiri çıxışında Müzəffər müəllimin xidmətlərindən danışıb. Gəncə futboluna bağlı olan şəxs kimi onun Kirovabad "Dinamo”sunun əldə etdiyi uğurlarda pay sahibi, uzun illər komandanın kapitanı olduğunu vurğulayıb.

Qasımovun futbolçu karyerasını başa vurduqdan sonra doğma klubunda baş məşqçi, komandanın rəisi kimi vəzifələrdə işlədiyini xatırladan Nadiri hazırda isə Müşahidə Şurasında çalışdığını bildirib. Klub rəhbəri çıxışının sonunda komanda adından Müzəffər Qasımova hədiyyə verib.

"Kəpəz”in baş məşqçisi Yaşar Vahabzadə də təbriklərə qoşularaq Müzəffər müəllimin ölkə futbolunun inkişafı istiqamətində fəaliyyətinə, töhvələrinə görə dəfələrlə mükafatlandırıldığını deyib.

Onun idman ustası, əməkdar məşqçi, fəxri bədən tərbiyəsi və idman işçisi kimi bu gün də yeniyetmə və gənclər, o cümlədən futbol sahəsində işləyən hamı üçün canlı nümunə olduğunu qeyd edib.

Çıxışlardan sonra "Kəpəz”in Müşahidə Şurasının ən qocaman üzvü komandanın ən gənc futbolçusu olan Ümid Səmədovla birgə tortu kəsib.

Digər Xəbərlər
Xəbər Lenti
2 Aprel 23:30 SMS-lər pulsuz olacaq