"Fənərbağça"nın baş məşqçisi Ersun Yanal yerli mətbuatda istefaya getməsi barədə yayılan xəbərlərə münasibət bildirib.
Sportinfo.az xəbər verir ki, Ersun Yanal məlumatların doğru olmadığını bildirib.
"İstefam müzakirə mövzusu deyil", - deyə baş məşqçisi xəbərləri təkzib edib.
Ötən gün "Qalatasaray" 21 il sonra "Fənərbağça"ya səfərdə qalib gəlib. "Sarı-qırmızılar" "Şükrü Saracoğlu" stadionunda keçirilmiş qarşılaşmadan 3:1 hesablı qələbə ilə ayrılıblar. Bundan sonra "Fənərbağça"nın baş məşqçisinin istefaya getməsi barədə məlumat yayılıb.