"Sumqayıt" təhlükəli rəqibdir" - kapitan

20 İyul 22:10 Sumqayıt 295
"Sumqayıt" təhlükəli rəqibdir" - kapitan

"Bizi qarşıda iki çətin oyun gözləyir. Rəqib yaxşı müdafiə olunan intizamlı komandadır. "Sumqayıt" beş medafiəçi ilə oynayır. Əks hücumlarda sürətli futbolçuları var və təhlükəli rəqibdir".

Sportinfo.az xəbər verir ki, bu fikirləri Serbiyanın "Çukariçki" komandasının kapitanı Marko Dociç evdə "Sumqayıt"la keçirəcəkləri UEFA Konfrans Liqasının II təsnifat mərhələsinin ilk oyunundan əvvəl mətbuat konfransında deyib.

29 yaşlı yarımmüdafiəçi sabah meydana çıxmağı səbrsizliklə gözlədiyini bildirib. Dociçin sözlərinə görə ilk matçı Serbiyada oynamaq onlar üçün üstünlükdür: "Burada müsbət nəticə qazansaq, cavab görüşü asan ola bilər. Rəqibin güclü və zəif tərəflərini bilirik. Azərbaycanda futbol təcrübəsi olan oyunçu və məşqçilərdən təlimat aldıq".

Qeyd edək ki, iyulun 21-də Belqraddakı "Çukariçki" stadionunda keçiriləcək görüş Bakı vaxtı ilə saat 22:00-da başlanacaq.

Digər Xəbərlər
Xəbər Lenti
24 İyul 20:40 "Bir qədər pis oldum"
24 İyul 17:55 Vaxtdır, Cavid!