“Sabah” növbəti transferini gerçəkləşdirib.
Sportinfo.az k xəbər verir ki, 23 yaşlı vinger Jarl Marqarita ilə müqavilə bağlanıb.
Gənc futbolçu ilə anlaşmanın müddəti 2027-ci ilin iyun ayına kimidir.
Niderlandın “TOP Oss” klubundan transfer edilən Jarl karyerası ərzində bu ölkənin “Qroningen”, GVAV, “Emmen”, “Almere Siti” və “Hoogeveen” klublarında da çıxış edib.
Niderland və Kurasao vətəndaşlığı var. Marqarita “Sabah”da 27 nömrəli formada çıxış edəcək.
"Sabah" bu yay Sofian Çakla və Rəhman Daşdəmirovu da heyətinə cəlb edib.
