Mövsümlərarası transfer çalışmalarını davam etdirən “Sabah” heyətini yeni futbolçu ilə gücləndirib.
Sportinfo.az xəbər verir ki, mərakeşli müdafiəçi Sofian Çakla bundan sonra Masazır klubunun uğurları üçün çalışacaq.
29 yaşlı futbolçu ilə 2 illik müqavilə bağlanıb.
“Sabah”ın mətbuat xidməti onunla bağlı maraqlı təqdimat videosu hazırlayıb. Sofian burada “Mən İşıq Krallığından gəlmişəm” söyləyib.
Görüntülər social şəbəkələrdə böyük rəğbətlə qarşılanıb.
Çakla karyerası ərzində İspaniyanın “Malaqa B” (2012-2014), “Betis B” (2014), “La Roda” (2015-16), “El Ejido” (2016-2017), “Almeria B” (2017-2018), “Melilya” (2018-2019), “Vilyarreal B” (2019-2020), “Vilyarreal” (2020-2021), “Xetafe” (2021), “Ponferradina” (2023), Macarıstanın “Videoton” (2014-2015) və Belçikanın “Leuven” (2021-2022) klublarında çıxış edib.
O, Mərakeş millisində 4 oyun keçirib.
Sofian “Sabah”da 44 nömrəli formada çıxış edəcək.
