“Sabah”ın məşqçisi Vitali Kovalyov cəzalanıb.
Sportinfo.az xəbər verir ki, bu barədə qərarı AFFA-nın İntizam Komitəsi verib.
Buna Kovalyovun Premyer Liqanın XVIII turunun “Keşlə” ilə oyunundakı davranışı səbəb olub. Onun hakimləri təhqir etməsi qırmızı vərəqə ilə nəticələnib.
İntizam Komitəsi bununla bağlı müvafiq qərar verib. Çalışdırıcı 5 oyunluq diskvalifikasiya edilib. Paytaxt klubu 4000 manat cərimə olunub.
