.jpg)
Azərbaycan Premyer Liqasının XV turunda “Zirə” ilə matçın (2:2) 73-cü dəqiqəsində zədələnərək meydanı tərk edən və xəstəxanaya aparılan “Sabah”ın hücumçusu Tiemoko Fofananın sağlıq durumunu aydınlıq gəlib.
Sportinfo.az-ın məlumatına görə, Fil Dişi Sahilindən olan legionerin dodağına tikiş qoyulub.
Baş nahiyəsi MRT edilən afrikalı forvardın beyin silkələnməsi keçirmədiyi müəyyənləşib. Onun 3 dişinin sındığı da məlum olub.
Fofanaya 2 günlük istirahət verilib və daha sonra kollektivlə məşqlərə qoşula biləcək.
Klub əcnəbi futbolçunun bütün müalicə xərclərini öz üzərinə götürüb.
