Azərbaycan Premyer Liqasının ikinci yarısına hazırlığı davam etdirən “Sabah” yoxlama oyununda qüvvəsini sınayıb.
Sportinfo.az xəbər verir ki, Masazır komandası U-19 millisi ilə qarşılaşıb.
Mərdəkandakı “Dalğa Arena”da keçirilən matç “göy-ağlar”in 3:0 hesablı qələbəsilə nəticələnib. Görüşdə qollara Ramil Şeydayev, Amadu Diallo və Təmkin Xəlilzadə imza atıb.
“Sabah” Azərbaycan Premyer Liqasının XV turunda səfərdə “Zirə” ilə qarşılaşacaq. Oyun fevralın 14-də, saat 17:00-da Zirə İdman Kompleksinin stadionunda baş tutacaq.