"Sabah"ın oyun fəlsəfəsinə uyğunlaşmağa çalışıram"

15 Yanvar 2021 20:00 Sabah 525
"Sabah"ın oyun fəlsəfəsinə uyğunlaşmağa çalışıram"

"Sabah"da ilk oyunum idi. Uzun fasilədən sonra futbola qayıtmaq, meydana çıxmaq çox xoş idi".

Bu sözləri Sportinfo.az-a açıqlamasında "Sabah"ın yeni transferi Bəxtiyar Həsənalizadə deyib.

Müdafiəçi uzun fasilədən sonra meydanda yaşadığı çətinliklərdən də söz açıb: "İkinci hissə meydana daxil oldum. Hiss edirəm ki, fiziki çatışmazlığım var. Uzun müddət komanda ilə məşq etmirdim. Həm də zədəmlə bağlı kollektivdən ilk günlər ayrı düşmüşdüm. 2-3 gün əvvəl komandaya qoşulmuşam. İnanıram ki, müddət keçdikcə yavaş-yavaş bunlar da öz qaydasına düşəcək".

Həsənalizadə tezliklə əvvəlki formasını bərpa edib, komandası üçün faydalı olmağa çalışdığını bildirib: "Komandanın oyun fəlsəfəsinə uyğunlaşmağa çalışıram. Ümid edirəm ki, bu prosesi tezliklə keçəcəm. Çünki çempionatın başlamasına da az qalıb. İstəyirəm ki, tez uyğunlaşım və komandaya fayda verim".

Digər Xəbərlər
Xəbər Lenti