“Məşqçi hansı mövqedə oynatsa, əlimdən gələni edəcəm ki, komandaya daha çox xeyir verim“.
Sportinfo.az xəbər verir ki, bu sözləri “Qarabağ”ın hücumçusu Kamilo Duran Premyer Liqanın 8-ci turunda “Turan Tovuz”u 2:1 hesabı ilə məğlub etdikləri oyun barədə danışarkən deyib.
Kolumbiyalı “Birinci hissədə mərkəz, ikinci hissədə isə cinah hücumçusu kimi oynadız. Sizin üçün hansı daha rahatdır?” sualını belə cavablandırıb:
”Mənim üçün heç bir fərqi yoxdur. Hər iki mövqedə özümü rahat hiss edirəm. Dediyim kimi, önəmli olan komandama faydalı olmaqdır”.
