"Qarabağ" Premyer Liqanın 20-ci turunu da qələbə ilə başa vurdu.
Lider "Kəpəz" önündə hesabda geri düşsə də sonradan iki qol vuraraq qələbə qazanmağı bacardı - 2:1.
Qəbələ şəhər stadionunda keçirilən gərgin qarşılaşmanı izləyənlər arasında qonaqların uzun müddətdir zədədən əziyyət çəkən müdafiəçisi Kevin Median da yer almışdı.
Kolumbiyalı legioner Sportinfo.az-a açıqlamasında öz durumu barədə danışıb:
"Özümü yaxşı hiss edirəm. Müalicəmi davam etdirirəm.
Gündən-günə yaxşı oluram. Demək olar ki, ağrım yoxdur".
Medina zədəli halda səfər görüşünə yollanması barədə isə bunları deyib:
"Uzun müddət idi komandadan uzaqda idim. Klubdakı ab-hava üçün darıxmışdım.
Komanda yoldaşlarımla yenidən birgə olduğum üçün xoşbəxtəm".
XANOĞLAN
