"Qarabağ" mövsümün 2-ci yarısı üçün təlim-məşq toplanışına başlayıb.
Sportinfo.az xəbər verir ki, bu barədə klubun mətbuat xidməti məlumat yayıb.
Ağdam təmsilçisi "Azersun Arena"da məşqə çıxıb. Məşqdə komandanın yeni transferi Aleksey İsayev də iştirak edib.
“Qarabağ” uzun illərdir ki, qış təlim-məşq toplanışını Türkiyənin Antalya şəhərində keçirirdi. Avroliqanın 1/8 finalına adlayan "Qarabağ" avrokubok oyunları səbəbindən bu dəfə Antalyaya yollanmayıb.
