Azərbaycan millisinin kapitanı Sevinc Cəfərzadənin icarə əsasında oynadığı Səudiyyə Ərəbistanının "Eastern Flames" klubundan ayrılması haqda xəbər vermişdik.
Sportinfo.az saytına verilən məlumata görə, Sevincin yeni sezona harada başlayacağı bəlli olub.
Belə ki, millimizin kapitanı 2024/2025 sezonunda Rusiyada keçirəcək.
O, müqavilə ilə məxsus olduğu “Krasnodar”a dönüş edib. Futbolçuya bir neçə klubdan təklif olsa da, o, məxsus olduğu kluba geri dönməyi qərarlaşdırıb.
Cəfərzadənin "Krasnodar"la iki illik müqaviləsi qüvvədədir.
