Qadınlar arasında Çempionlar Liqasının qalibi müəyyənləşib.
Sportinfo.az xəbər verir ki, “Barselona” tarixində ilk dəfə ÇL-in qalibi olub.
Kataloniya klubu İsveçin Göteborq şəhərindəki “Qamla Ullevi” stadionunda keçirilən finalda “Çelsi”ni darmadağın edib - 4:0.
Qadın komandasının qələbəsindən sonra “Barselona” tarixə düşüb. Belə ki, İspaniya nəhəngi kişi və qadınlar arasında Çempionlar Liqasının qalibi olan yeganə komandadır.
Qadınların yarışında Çempionlar Liqası 2001-ci ildən keçirilir. Son beş ildə turnirin qalibi “Lion” olmuşdu/
Görüşün UEFA nümayəndəsi AFFA-nın Beynəlxalq əlaqələr şöbəsinin müdiri və İcraiyyə Komitəsinin üzvü Könül Mehtiyeva olub.