"Sərhədlərin açılması məsələsində əhalimizlə açıq danışmalıyıq".
Bu sözləri Azərbaycan Milli Məclisinin İnsan hüquqları komitəsinin sədri Zahid Oruc Milli Məclisin keçirilən plenar iclasında – “2025-ci il dövlət büdcəsi haqqında” qanun layihəsinin müzakirəsi zamanı bildirib.
O qeyd edib ki, quru sərhədlərin bağlı saxlanılmasının əsas səbəbi qaçqın dalğasıdır.
"Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək.
O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - deyə o qeyd edib.
