"Neftçi-2” I Divizionda növbəti oyununu keçirib.
Sportinfo.az xəbər verir ki, Mahmud Qurbanovun çalışdırdığı komanda 18-ci turda "Qarabağ-2” ilə qarşılaşıb. "ASK Arena”da baş tutan görüşdə heç-heçə qeydə alınıb – 2:2.
Bakılı əvəzedicilər 7-ci dəqiqədə Elnur Süleymanovun penalti zərbəsi ilə hesabı açsa da, ağdamlılar 9-cu və 36-cı dəqiqələrdə vurulan qollarla önə keçib.
Musa Qurbanlı və Kamran Məmmədov fərqlənib. Bununla belə, Asim Əlizadə 50-ci dəqiqədə hesabı bərabərləşdirməyi bacarıb.
6-cı dəqiqədə rəqibi aşkar qol vurmaqdan məhrum etdiyi üçün "Qarabağ-2”nin üzvü İbrahim Hüseynov qırmızı vərəqə ilə cəzalandırılıb. "Neftçi-2” 18 oyundan 29 xalla 5-ci yeri tutur.
