"Neftçi"nin yeni hücumçu transfer edəcəyini günlər öncə xəbər vermişdik.
Bakılılar axtardığı forvardı Qazaxıstanda tapıb.
"Ağ-qaralar" Dembo Darbo ilə anlaşıb.
26 yaşlı qambiyalı son olaraq "Ordabası"nın formasını geyinib. Müqavilə ilə "Əl-Nəsr"ə (BƏƏ) məxsus afrikalı "Neftçi"nin 2+1 illik müqavilə təklifini qəbul edib.
Qambiya yığmasında 5 oyun keçirmiş 186 sm boya malik mərkəz oyunçusu burada nə qədər pul qazanacaq? İlk iki il ərzində 1 milyon dollara yaxın əməkhaqqı alacağına dair iddialar var.
"Neftçi" bu yay ona kimi 8 transfer əməliyyatı həyata keçirib.
Bunlar Emil Səfərov, Edvin Kuç, Ramil Şeydayev, Robert Bauer, Andrey Ştoqrin, Rüstəm Samiqullin (icarə, "Sabah"), Rafal Quzzo və Mustafa Sekdir.
SPORTİNFO.AZ
