"Neftçi" növbəti transferini rəsmən açıqlayıb.
Klubun mətbuat xidməti bu haqda açıqlama yayıb.
Bakı təmsilçisi Mustafa Seki heyətinə cəlb edib.
Seneqal əsilli ispaniyalı müdafiəçi ilə 3 illik müqavilə imzalanıb. 28 yaşlı legioner 24 nömrəli forma geyinəcək.
Həm müdafiənin, həm də yarımmüdafiənin sol cinahında oynamağı bacaran Sek “Barselona”nın müxtəlif yaş qrupu komandalarında, “Latsio”, “Roma” və İtaliyanın digər klublarında çıxış edib,
Niderland və Portuqaliya komandalarında oynayıb. Sonuncu klubu “Portimonense” (Portuqaliya) olub.
Mustafa Sekin transferi haqda ilk məlumatı Sportinfo.az yayıb. Avqustun 21-də bu keçidi oxucularımızın diqqətinə çatdırmışıq (https://www.sportinfo.az/idman_xeberleri/neftci/202091.html).
