«Neftçi» rəhbərliyi tərəfindən əvəzedici heyətə göndərilən Qara Qarayev burada hər kəsin rəğbətini qazanıb.
Roman Qriqorçukun xidmətində maraqlı olmadığı yarımmüdafiəçi gənclərə xüsusi diqqət göstərir.
O, Əvəzedicilər Liqasında mübarizə aparan komandaya mükafat fondu ayırıb. Çempionatda qələbə qazanan futbolçulara 50-100 manat civarında pul verməyi öz üzərinə götürüb.
Qarayev onlara bildirib ki, «Neftçi»də qaldığı müddətdə bu dəstək aksiyasını davam etdirəcək.
Rəşad Abdullayevin çalışdırdığı kollektiv liqanın geridə qalan 3 həftəsində 6 xal toplayıb. İki qələbə və 1 məğlubiyyət alan «ağ-qaralar» turnir cədvəlinin 3-cü pilləsində qərarlaşıb.
SPORTİNFO.AZ
