Çempionlar Liqasının II təsnifat mərhələsinin "Olimpiakos"la Bakıda baş tutan cavab görüşündə zədələnən müdafiəçi Ömər Buludovun durumu artıq yaxşıdır.
Bu barədə Sportinfo.az-a açıqlamasında "Neftçi"nin mətbuat xidmətinin rəhbəri Rüstəm Allahverdiyev deyib.
Klub rəsmisi "Ömər komanda ilə məşqlərə qoşulub. Zədə ilə bağlı hər hansısa problemi yoxdur. Məşqçilər korpusu şans verəcəyi halda HİK-lə oyunda meydana çıxa bilər" - deyə, bildirib.
Buludov "Olimpiakos"la görüşün 31-ci dəqiqəsində zədələnərək yerini Mirabdulla Abbasova vermişdi.
