"Neftçi" ilə futbolçusu Qara Qarayev arasında bir müddətdir davam edən danışıqlar bitmir.
Millinin keçmiş yarımmüdafiəçi "ağ-qaralar"ın baş məşqçisi Roman Qriqorçukun planlarına daxil deyil.
Ukraynalı mütəxəssis təyinatı zamanı Qaranın komandada qalmasına sevinirdi.
Ancaq Ərzurum toplanışında Qriqorçuk futbolçunun yaxşı formada olmadığını görüb və heyətdən uzaq qalacağını bildirib. Bununla bağlı Qaranın özü də bir neçə dəfə məlumatlandırılıb.
Bu səbəbdən Qarayevdən yaxşı təklif qarşılığında müqaviləyə xitam verilməsi istənilib. Amma o, bununla razılaşmaq fikrində deyil.
Futbolçuya illik qazancının yarısı qədər təzminat təklif edilib.
Ancaq Qara müqaviləsinin sonunadək əvəzedici heyətdə qalmağı üstün tutub.
Tərəflər arasında müqavilənin müddəti 2025-ci ilin yayınadəkdir.
SPORTİNFO.AZ
