21 yaşadək futbolçulardan ibarət Azərbaycan millisinin yarımmüdafiəçisi Edqar Adilxanovin son durumu müəyyənləşib.
Yaxınlarda Almaniyanın Münhen şəhərində əməliyyat olunan gənc yalnız noyabrda yaşıl sahələrə dönə biləcək.
“Viszera Munich” klinikasında professor, doktor Riçard Merkle tərəfindən ikitərəfli qasıq yırtığı səbəbindən uğurlu əməliyyat keçirən 20 yaşlı orta sahə oyunçusunun bütün müalicə xərclərini AFFA qarşılayıb.
"Şamaxı"nın heyətində çıxış edən Adilxanov iki həftə sonra yataq rejimi ilə vidalaşacaq. U-21-in Portuqaliya səfərində zədə almış qusarlı futbolçu daha sonra bərpa prosesi keçəcək.
Bu üzdən yığmanın AVRO-2027-nin seçmə mərhələsinin Çexiya (10 oktyabr) və Şotlandiya (14 oktyabr) yığmalarına qarşı meydana çıxmayacağı dəqiqdir.
SPORTİNFO.AZ
.jpg)
.jpg)
