“Bilirsiniz ki, uduzmayan rəqib yoxdur. Sadəcə, istək lazımdır.
Əgər istək, xarakter varsa, vuruşacaqsan. Vuruşdunsa, Allah tərəfindən mükafatlandırılacaqsan. O
na görə də hər oyuna çıxıb vuruşmaq lazımdır. Bunu etsən, öz üzərində işləsən, Allah da sənin mükafatını verəcək.
Biz Ukraynaya qarşı meydanda döyüşdük. Düzdür, qələbə qazanmasaq da, bir xal əldə etdik”.
İSportinfo.az xəbər verir ki, bunu futbolinfo.az saytına açıqlamasında milli komandanın futbolçusu Abbas Hüseynov deyib.
Müdafiəçi Ukrayna ilə oyunda qazanılan bir xalın gələcək oyunlar üçün yüksək motivasiya yaradacağını qeyd edib:
“Ağır oyun keçdi. Bir xal qazandıq. Bundan da yaxşı nəticə ola bilərdi. Sadəcə özümüzə güvəni artırmaq lazımdır. İnanıram ki, gələcək oyunlarda daha yaxşısını edərək yüksək nəticələr qazanacağıq. Bir xal bizə kifayət deyil. İnanıram ki, qarşıdakı matçlarda daha yaxşı oyunlarımızı keçirərək qələbələr qazanacağıq”.
