“Polesye”nin qapıçısı Georgi Buşan Ukrayna millisinə dönüşünü dəyərləndirib.
31 yaşlı qolkiper 2025-ci ildə ilk dəfə buaykı toplanışa çağırılıb, lakin Fransa və Azərbaycanla oyunlarda ehtiyatda qalıb.
Sportinfo.az xəbər verir ki, Buşan yerli mətbuata açıqlamasında milliyə qayıtmağın qürurunu yaşadığını deyib.
O, oktyabrda keçiriləcək DÇ-2026-nın seçmə mərhələ oyunlarına da toxunub:
“Milliyə qayıdış vaxtında oldu. Çünki həmin gün yeni klub axtara biləcəyimi söylədilər.
Psixoloji cəhətdən çətin anlar yaşayırdım. Millinin toplanışına isə böyük istəklə yollandım.
Sanki təmiz nəfəs aldım. Fransa və Azərbaycanla oyunlarda komanda çox çalışsa da, nəsə alınmadı.
Fikrimcə, İslandiya və Azərbaycanla keçiriləcək qarşıdakı matçlar həlledici olacaq. Həmin görüşlərdə 6 xal toplamalıyıq”.
Ukrayna yığması oktyabrın 10-da İslandiya, 13-də isə Azərbaycan millisi ilə qarşılaşacaq. Ukraynalılar seçmə mərhələnin ilk iki turunda Fransaya (0:2) məğlub olub, Azərbaycan millisi ilə (1:1) heç-heçə edib.
