Ukrayna millisinin yarımmüdafiəçisi Georgi Sudakov Azərbaycanla matçın keçirildiyi Tofiq Bəhramov adına Respublika stadionunun meydançasından narazlıq edib.
Sportinfo.az xəbər verir ki, o, söyləyib:
"Qazon çox ağır vəziyyətdə idi, lakin bu, hər iki komanda üçün eyni idi. Odur ki, artıq bu barədə danışmağın mənası yoxdur ".
DÇ-2026-nın seçmə mərhələsində millimizlə 1:1 etdikləri görüş barədə danışan 23 yaşlı futbolçu deyib:
"Niyə belə oldu, demək çətindir. Ümumilikdə yetərincə qol vəziyyətimiz var idi.
1:0 hesabı ilə öndə idik. Sonra bir əks-hücum, cərimə meydançasına ötürmə, əllə oynama epizodu və penalti...
Sadəcə bəxtimiz gətirmədi. Hakim penalti təyin etdi. İkinci qolu vurmağa imkan tapmadıq.
Açığı, nə deyəcəyimi də bilmirəm. Oyunu indi analiz etmək çox çətindir. Topa nəzarət edirdik, imkanlar yaradırdıq".
