Legioner limitinin ləğvindən sonra klublarımızın gəlmələrə daha çox meydan verməsi milli komandanın baş məşqçisi Fernandu Santuşu narahat etməyə başlayıb.
O, bu barədə yaxın ətrafına şikayət edib.
Qarşıdan gələn rəsmi oyunlar üçün heyətin formalaşdırılmasının onun üçün çətin olacağı barədə açıq şəkildə narahatlığını dilə gətirib.
Başadüşüləndir. Bir çox milli üzvü gününü ehtiyatda keçirir. Belədə portuqaliyalı mütəxəssis üçün onsuz da çətin olan işlər bir qədər də ağırlaşacaq.
Amma bunu indi düşünmək lazım deyildi.
Qərar qüvvəyə minmədən öncə "Sportinfo" olaraq AFFA-ya bir neçə dəfə sorğu göndərdik. Amma 73 yaşlı baş məşqçi susmaq yolunu seçdi. Bir kəlimə danışmadı.
Halbuki bu mövzuda ilk danışmalı şəxs o olmalıydı.
Təəssüf ki, Santuş susdu.
O zaman susan adamın indi danışması arxadan atılan daşa bənzəyir.
XANOĞLAN İMANOV
