.jpg)
Xarici mütəxəssislər DÇ-2026-nın seçmə mərhələsində qruplardakı şansları dəyərləndirib.
Sportinfo.az xəbər verir ki, Azərbaycan millisinin yer aldığı D qrupundakı şanslar barədə də fikir bildirilib.
Qrupun aşkar favoriti Fransadır. Mütəxəssislər fransızların ilk iki yerdən birini tutacağına şübhə etmirlər.
Hətta əksəriyyət son dünya çempionatının finalçısının birinci pillədə qərarlaşacağını düşünür.
Qrupumuzun ikinci şanslı komandası Ukrayna hesab olunur. İslandiyanın isə ən pis halda üçüncü olacağı ehtimal edilir.
O ki qaldı Azərbaycan millisinə, mütəxəssislər yığmamıza heç bir şans vermir.
Komandamızın qrupda ilk iki yerdən birini tutmaq ehtimalı sıfıra bərabər qiymətləndirilir. Fernandu Santuşun yetirmələri qrupun aşkar autsayderidir.
Millimiz qrupda ilk iki oyununu sentyabrın 5-də səfərdə İslandiya, 9-da isə evdə Ukraynaya qarşı keçirəcək.
