.jpg)
Fransa millisinin sabiq baş məşqçisi, 2006-cı ildə Almaniyada keçirilən dünya çempionatının gümüş mükafatçısı Raymon Domenek DÇ-2026-nın seçmə mərhələsi çərçivəsində Azərbaycanla keçiriləcək oyunlar haqqında danışıb.
Sportinfo.az xəbər verir ki, bu barədə AZƏRTAC-a eksklüziv açıqlama verən məşhur mütəxəssis hər iki yığmanın şanslarını dəyərləndirib:
"Azərbaycan futbolu barədə deyəcəyim az şey var. Bilirəm ki, milli komandanın əksər oyunçuları "Qarabağ"da çıxış edirlər.
Milli son oyunlarda qalib gələ bilmir. Fransa ilə axırıncı matç bizim qələbəmizlə başa çatıb".
Azərbaycan millisinə təcrübəli portuqaliyalı baş məşqçi Fernandu Santuşun rəhbərlik etdiyini xatırladan 73 yaşlı mütəxəssis əlavə edib:
"Santuş titullu baş məşqçidir. Lakin burada məşqçidən əvvəl oyunçuların keyfiyyəti də önəmlidir”.
Raymon Domenek 2004-2010-cu illərdə Fransa yığmasında işləyib. O, "xoruzlar”la 2006 və 2010-cu illərdə keçirilən dünya çempionatlarında iştirak edib.
Azərbaycan millisi Fransa ilk matçını oktyabrın 10-da səfərdə, noyabrın 16-da isə evdə keçirəcək.
.jpg)
.jpg)
